Nazənin “gəlin”ini məhkəməyə verdi – Nikahdan kənar uşaq qalmaqalı

Müğənni Nazənin Salayeva ilə oğlu Fəxrinin evlənməmişdən əvvəl qeyri-rəsmi münasibətdə olduğu qadınla arasındakı qalmaqal bir az da böyüyüb.

Müğənninin oğlunun keçmiş sevgilisi Nazənini qeyri-qanuni uşaq dünyaya gətirməkdə ittiham edib.

Bu barədə AzNews.az-a danışan Nazənin bildirib ki, o, 16 il bir yerdə yaşadığı kişidən uşaq dünyaya gətirib: "16 il yaşamışıq. Ondan sonra qərar verdik ki, uşağımız olsun. Onunla rəsmi nikaha isə uşaq dünyaya gəlməmişdən əvvəl girmişəm. Onun kimi bir dəfə tanıdığım kişidən dünyaya uşaq gətirməmişəm. O, özünü necə mənimlə bir tutur? Haranın zibilidir ki, mənim adımı ağzına alıb danışır?"

Nazənin onu da əlavə edib ki, bu gün həmin qadını və onun arxasında dayananları məhkəməyə verib.

Xatırladaq ki, Fəxrinin evlənməmişdən əvvəl vətəndaş nikahında yaşadığı qadın Nazənini nikahdankənar uşaq dünyaya gətirməkdə ittiham edib: "Nazənin 03.08.2012-ci ildə nikaha daxil olub. Kiçik oğlu Orxan isə 14.09.2012-ci ildə doğulub. Adını özü desin uşağının. Qızıma dedikləri ad onlara daha çox yaraşar".

Bahar RÜSTƏMLİ