Müsavat şadlıq saraylarıyla danışıqlar aparır - Açıqlama

“Müsavat qurultayını keçirmək üçün partiyanın yaxınlığındakı şadlıq sarayları ilə danışıqlar aparır”.

Bunu AzNews.az-a açıqlamasında Müsavat başqanlığına namizəd Arif Hacılı deyib. O, bildirib ki, bu danışıqların nəticəsində yekun qərar veriləcək: "Bu danışıqların nəticələri bəlli olduqdan sonra yekun qərar veriləcək.
Əgər bu danışıqların nəticəsi olmasa, yəqin ki, Bakı Şəhər İcra Hakimiyyətinin təklifi ilə razılaşmalı olacağıq".

Qeyd edək ki, Bakı Şəhər İcra hakimiyyəti Müsavat Partiyasına qurultay keçirmək üçün Əmircanda yerləşən Səttar Bəhlulzadə adına Mədəniyyət evini təklif edib.

Bahar Rüstəmli
AzNews.az