Avropadan İraqa yardım - Qərar

Fransada keçirilən “İraqda sülh və təhlükəsizlik” adlı beynəlxalq konfransda İraq hökumətinə hərbi yardım göstərilməsi barədə qərar qəbul edilib.

APA-nın xəbərinə görə, bu barədə Fransa Prezident Administrasiyasından açıqlama verilib.

30-a qədər ölkənin iştirak etdiyi konfransda "İslam Dövləti"nə qarşı (keçmiş İŞİD) mübarizə məqsədilə İraq hökumətinin müvafiq hərbi yardımla təmin olunması barədə razılıq əldə olunub.

Yekun qərarda bildirilir ki, "İŞİD"ə qarşı mübarizə təxirəsalınmaz məsələdir və İraq hökuməti lazımi hərbi dəstəyi alacaq. Ancaq hərbi yardımın detalları barədə məlumat verilməyib.

AzNews.az