- Köhnə - Cəmiyyət
- 21 Sentyabr 2014 13:59
- 3 469
Həftənin ilk iş günü hava necə olacaq?
Həftənin ilk iş günü Azərbaycanda hava, əsasən, yağmursuz keçəcək.
Ekologiya və Təbii Sərvətlər Nazirliyinin Milli Hidrometeorologiya Departamentinin Hidrometeoroloji Proqnozlar Bürosundan AzNews.az-a verilən məlumata görə, sentyabrın 22-də Bakıda və Abşeron yarımadasında havanın dəyişkən buludlu olacağı, arabir tutulacağı, əsasən yağmursuz keçəcəyi gözlənilir. Gecə bəzi yerlərdə qısamüddətli yağış yağacağı ehtimalı var.
Şimal küləyi 9-14 m/s olacaq, gecə arabir 16 m/s-dək güclənəcək.
Abşeron yarımadasında temperatur gecə 17-20 dərəcə isti, gündüz 20-27 dərəcə isti, Bakıda gecə 17-19 dərəcə isti, gündüz 24-26 dərəcə isti olacaq.
Azərbaycan rayonlarında axşam və gecə bəzi yerlərdə yağış yağacağı gözlənilir.
Temperatur gecə 12-17 dərəcə isti, gündüz 24-29 dərəcə isti olacaq.
AzNews.az