Bu gün Bakıda “Silindr”ə baxacaqlar

Akademik Milli Dram Teatrında "Silindr" tamaşasının premyerası keçiriləcək.

AzNews.az xəbər verir ki, Eduardo de Filipponun pyesi əsasında hazırlanan tamaşanın quruluşçu rejissoru Akademik Milli Dram Teatrının aktyoru, Xalq artisti Ramiz Novruz, quruluşçu rəssamı Anar , musiqi tərtibatı Kamil İsmayılovdur.

Tamaşada rolları Xalq artisti Ramiz Novruz, Əməkdar artistlər Münəvvər Əliyeva, Kazım Abdullayev, Məzahir Cəlilov, aktyorlar Anar Heybətov, Rövşən Kərimduxt, Şəhla Əliqızı, Ləman İmanova, Dilarə Nəzərova, Hikmət Rəhimov, Ramin Şixəliyev, Ülvi Həsənov və başqaları canlandırır.

Qeyd edək ki, tamaşa bu gün saat 19.00-da nümayiş olunacaq.


Bahar Rüstəmli
AzNews.az