“Qalatasaray“ı İstanbulda çətin oyun gözləyir

Bu gün gecə futbol üzrə Çempionlar Liqasında III turun oyunlarına yekun vurulacaq.

AzNews.az xəbər verir ki, 2-ci oyun günündə daha 8 qarşılaşma baş tutacaq.
Azərbaycanlı azarkeşlərin maraqla gözlədiyi oyun D qrupunda keçiriləcək. Türkiyənin "Qalatasaray" komandası İstanbulda Dortmund "Borussiya"sını qəbul edəcək. Qrupun digər oyununda "Arsenal" "Anderlext"ə qonaq olacaq.

A qrupunda Azərbaycan futbolsevərlərin daha bir sevimli klubu olan Madridin "Atletiko" klubu öz meydanında "Malmö"nü sınağa çəkəcək. Qrupun digər oyununda "Yuventus" səfərdə "Olimpiakos"la üz-üzə gələcək.

B qrupunda məşhur futbolçu Kriştiano Ronaldonun şərəfini qoruduğu "Real Madrid" səfərdə "Liverpul"u məğlub etməyə çalışacaq. Qrupun digər matçında "Ludoqorotes" "Bazel"i qəbul edəcək.

C qrupunda "Monako" – "Benfika" və "Bayer" (Leverkuzen) – "Zenit" oyunları keçiriləcək.

22 oktyabr
A qrupu
23:45. "Atletiko" (Madrid, İspaniya) - "Malmö" (İsveç)
23:45. "Olimpiakos" (Yunanıstan) - "Yuventus" (İtaliya)

B qrupu
23:45. "Liverpul" (İngiltərə) - "Real" (Madrid, İspaniya)
23:45. "Ludoqorets" (Bolqarıstan) - "Bazel" (İsveçrə

C qrupu
23:45. "Monako" (Fransa) - "Benfika" (Portuqaliya)
23:45. "Bayer" (Leverkuzen, Almaniya) - "Zenit" (Rusiya)

D qrupu
23:45. "Anderlext" (Belçika) - "Arsenal" (İngiltərə)
23:45. "Qalatasaray" (Türkiyə) - "Borussiya" (Dortmund, Almaniya)