Virus Azərbaycanın bir addımlığında

Azərbaycanın qonşusu İranda 5 nəfərdə Korona virusu aşkarlanıb.

Trend-in məlumatına görə, bunu İranın səhiyyə naziri Həsən Qazizadə Haşimi deyib.

H.Qazizadə Haşimi bildirib ki, həmin şəxslər Səudiyyə Ərəbistanında Həcc ziyarətində olublar və vətənə döndükdən sonra onlarda bu virus aşkarlanıb: "5 nəfərdə ölkəyə qayıdarkən hava limanında virus aşkarlanıb. Korona virusu Səhiyyə Nazirliyinin gündəliyindədir. Ebola və Korona virusu ilə bağlı ölkədə narahatçılığa əsas yoxdur".
Qeyd edək ki, Korona virusuna insanlar və heyvanlar tənəffüs yolları ilə yoluxurlar. 1965-ci ildə aşkar olunan virus həzm sisteminə də təsir edir. Virusun bir çox fərqli növü vardır. Virusa qarşı qoruyucu peyvəndlər mövcud deyil və xəstəliyin müalicəsi yoxdur.