- Köhnə - Dünya
- 24 Noyabr 2014 12:27
- 2 542
Türkiyənin sərnişin təyyarəsi Rusiyada qəzaya düşdü
Rusiyanın Novosibirsk şəhər aeroportunda İstanbuldan Novosibirsk şəhərinə uçan və “Turkish Airlines” şirkətinə məxsus olan “Boeing-737-800” sərnişin təyyarəsinin eniş zamanı təkəri partlayıb.
AzNews.az xəbər verir ki, bu haqda məlumatı Rusiyanın Qərbi-Sibir Nəqliyyat prokurorunun köməkçisi Oksana Qorbunova yayıb.
"Təyyarə yerli vaxtla səhər saat 6.00-da Novosibirsk aeroportuna eniş etdi. Eniş zamanı sol şassinin təkərinin bir çox hissəsi dağıldı. Göyərtədə 108 sərnişin və 7 ekipaj üzvü olmasına baxmayaraq heç kəs zərər çəkmədi", - deyə Oksana Qorbunova bildirib.
Qeyd edək ki, bu qəzadan sonra Novosibirsk-İstanbul reysi təxirə salınıb. Sərnişinlərin mehmanxanalarda yerləşdirildiyi deyilir. Onların başqa təyyarə ilə İstanbula göndəriləcəyi gözlənilir.
AzNews.az