Dövlət Miqrasiya Xidmətində kütləvi - “Təmizləmə”

Dövlət Miqrasiya Xidmətində yüksək və orta vəzifə tutan şəxlərin kütləvi şəkildə işdən çıxarılması prosesi başlayıb.

Bu barədə "Qafqazinfo"ya xidmətə yaxın şəxslər məlumat verib. Xəbərə görə son 1 ayda DMX-dən təxminən 10 nəfər yüksək rütbəli şəxs işdən çıxarılıb. Bunlardan xidmətin miqrasiya nəzarəti idarəsi və deportasiya şöbəsinin rəisi polkovnik-leytenat Əfrasim Aşurbəyov və həmin idarənin əməkdaşları olan Xoşbəxt adlı baş leytenant, Emil adlı kapitan, Fariz Hacıyev və bir neçə əməkdaş işdən çıxarılıb.

Həmçinin, qurumun Bakı Şəhər Miqrasiya İdarəsinin maliyyə bölməsinin rəisi Pərviz Əliyev, Tibb İdarəsinin inspektoru – maliyyəçi leytenant Səkinə, Mərkəzi Aparatın baş inspektoru Bəhram adlı mayor, Yevlax Regional İdarəsinin inspektoru leytenant Ayaz Yolçuyev və idarənin bir neçə əməkdaşı da işdən çıxarılanlar arasındadır. Məlumatda bildirilir ki, DMX-nin İş İcazələrinin verilmesi şöbəsinin inspektoru kapitan Elçin Əhmədov da işdən çıxarılıb. Bundan başqa qurumun çoxlu sayda əməkdaşının iş yerlərinin dəyişdirildiyi bildirilir.

Məlumata görə, işdən çıxarılan heyəin böyük əksəriyyəti dövlət qulluğuna qəbul imtahanı ilə qurumda işləyənlər olub. DMX-nin adları çəkilən əməkdaşlarının işdən çıxarılmasına səbəb kimi korrupsiya və digər iş nöqsanları göstərilib. Lakin onların heç biri ilə bağlı Korrupsiyaya Qarşı Mübarizə İdarəsinə və ya prokurorluğa müraciət edilməyib.