Leyla Yunus üçün prezidentə müraciət olunacaq

Bir neçə aydır ki, həbsdə olan Sülh və Demokratiya İnstitunun direktoru Leyla Yunusla bağlı prezidentə müraciət olunacaq.

AzNews.az xəbər verir ki, Dilarə Əliyeva adına Qadın Hüquqları Müdafiəsi Cəmiyyətinin sədri Novella Cəfəroğlu və bir qrup hüquq müdafiəçisi Leyla Yunusun səhhəti ilə bağlı ölkə başçısına müraciət edəcək:
"Onun səhhəti ilə bağlı nəsə etmək istəyirik. Ölkə başçısının humanistliyinə inanırıq. Deyirlər çox pis hiss edir özünü, həddindən artıq arıqlayıb, zəifləyib. Çox pis xəstəliyi var. Heç kim yazmasa da bizim cəmiyyət prezidentə müraciət edəcəyik".

Gültəkin ƏLƏSGƏR
AzNews.az