“Sərnişinlər qatarlardan boşaldıldı” – RƏSMİ

“Bu gün səhər saat 08:26-da “Bakı metropoliteni”nin “Həzi Aslanov-Dərnəgül” istiqamətində hərəkət edən 38 saylı marşrut “Nizami” stansiyası ilə “Elmlər Akademiyası” istiqamətində hərəkət edəndə qatarda nasazlıq yaranıb”.

Bunu AzNews.az-a "Bakı Metropoliteni" QSC-nin mətbuat xidməti və ictimaiyyətlə əlaqələr şöbəsinin rəisi Nəsimi Paşayev deyib.

Onun sözlərinə görə, sərnişinlər "Nizami" stansiyasında boşaldılıb: "Qatar digər xətlə depoya göndərilib. Həmin vaxt hardasa 10 dəqiqə gecikmə olub. Bu isə intervalın pozulmasına gətirib çıxarıb. Yəni digər qatarların hərəkətində gecikmə yaranıb. Qatar stansiyada sərnişinləri boşaldandan sonra həmin yerə ehtiyat qatar xətə buraxılıb".

N.Paşayev qısa müddət ərzində intervalın bərpa olunacağını vurğulayıb.

Bahar RÜSTƏMLİ
AzNews.az