Gəlin qızılları götürüb qaçdı- VİDEO

Türkiyənin Adana şəhərində yaşayan Fatih Çakır həyat yoldaşı tərəfindən aldadılıb.

"Qafqazinfo" radikal.com-a istinadən xəbər verir ki, 8 yanvar, 2015-ci il tarixində Fatih Çakır və A.M.Ç ailə həyatı qurub. Toyun səhəri gəlin toyda əldə olunan pulu və qızıllarını götürərək evdən qaçıb.

Fatih Çakır aldadıldığını düşünərək polisə şikayət edib:

"Həyat yoldaşım toy gecəsi həyəcanlı olduğunu, münasibətdə ola bilməyəcəyimizi dedi. Mən də onu başa düşdüm. Səhər işə getdim. İşdən qayıdanda qapı bağlı idi. Çilingər çağıraraq qapını açdım. Evdə həyat yoldaşım yox idi. Evdən 15 min dəyərində qızıllar, 20 min türk lirəsi yoxa çıxıb".