- Köhnə - Dünya
- 30 Yanvar 2015 17:33
- 2 121
Azərbaycanlı iş adamı itkin düşdü - Donetskdə
Azərbaycanın Ukraynadakı səfirliyi iş adamının tapılması üçün BQXK-ə müraciət edib
Ukraynanın Donetsk şəhərində azərbaycanlı biznesmen itkin düşüb. Azərbaycanın Ukraynadakı səfirliyinin konsulluq məsələləri üzrə I katibi Asim Osmanov APA-ya açıqlamasında bildirib ki, bu, Azərbaycan vətəndaşı, 1973-cü il təvəllüdlü Əliyev Məhərrəm Məcid oğludur.
Ötən ayı Donetsk şəhərində itkin düşmüş azərbaycanlı iş adamının şəhərin kənarında avtomobili tapılıb, indiyə qədər ondan heç bir xəbər yoxdur.
A. Osmanov onu da deyib ki, Azərbaycanın Ukraynadakı səfirliyi iş adamının tapılması üçün bu ölkənin Xarici İşlər Nazirliyi vasitəsi ilə Beynəlxalq Qızıl Xaç Komitəsinə (BQXK) müraciət edib.