- Köhnə - Mədəniyyət
- 25 Fevral 2015 18:47
- 2 524
Ədəbiyyat və milli mətbəx paytaxtları elan edildi - FOTO
Nazirlikdən Trend-ə verilən məlumata görə, göstərilənlərdən əlavə, Azərbaycanın qeyri-maddi mədəni irsinin təbliği və təşviqi məqsədilə Mədəniyyət və Turizm Nazirliyi tərəfindən həyata keçirilən "2010-2014-cü illər üçün Xalq Yaradıcılığı paytaxtları" proqramının bölgələrə verdiyi müsbət töhfələri nəzərə alaraq görülən işlərin yeni formada davam etdirilməsi məqsədilə yeni "Xalq Yaradıcılığı paytaxtları" proqramı təsdiq olunub. Yeni proqramla əlaqədar 2015-ci il üçün Şamaxı şəhəri "Azərbaycanın Ədəbiyyat Paytaxtı" və Qax şəhəri "Azərbaycanın Milli Mətbəx Paytaxtı" elan edilib.
Bu münasibətlə cari ilin 4 mart 2015-ci il tarixində saat 12:00-da Bakı şəhərində yerləşən Azərbaycan Xalça Muzeyində 2015-ci il üçün Azərbaycanın xalq yaradıcılığı paytaxtlarının təqdimat mərasimi keçiriləcək.
Məsələ ilə əlaqədar Şamaxı və Qax rayonlarında il ərzində nominasiyalara uyğun olaraq təntənəli mərasimlərin, respublika və beynəlxalq səviyyəli elmi-praktik konfrans, "dəyirmi masa", konsert, müsabiqə, festival, sərgi, yarmarka, infotur və sair tədbirlərin təşkili nəzərdə tutulub.