İŞİD narkotikdən hər il 1 milyard götürür

İŞİD terror qruplaşması hər il əfqan heroininin nəqlindən 1 milyard dollar gəlir götürür.

Musavat.com Rusiya qaynaqlarına istinadən xəbər verir ki, bu barədə Rusiyanın Qaçaqmal Narkotiklə Mübarizə Federal Xidmətinin başçısı Viktor İvanova istinadən bildirilib.

"Bizim hesablamalarımıza görə, İŞİD hər il əfqan mənşəli narkotikin tranzitindən 1 milyard dollar gəlir əldə edir" – deyib İvaniov.

Az öncə BMT Təhlükəsizlik Şurası vətəndaş müharibəsinin getdiyi Suriyadan olan qədim əşyaların satılmasına dair bütün ticari sövdələşmələri qadağan edib. Məlumata görə, İŞİD və "əl- Qaiada" təmsilçilərindən mal almaqla qaydanı pozan şəxslərə qarşı sanksiyalar nəzərdə tutulur.

Təşkilat həmçinin, ölkələri girovlara görə pul təzminatı ödəməməyə çağırıb.