Hökumətdən hamilə qadınlara hədiyyə - Qutunun mənası nədir? (FOTOLAR)

Finlandiya höküməti 75 ildir ki, ana olmağa hazırlaşan qadınlara qutu hədiyyə edir.

AzNews.az xarici KİV-lərə istinadən xəbər verir ki, qutuda körpə üçün geyim dəsti, bələk və oyuncaqlar olur. Qutunun özü isə çox keyfiyyətli olduğundan , yataq kimi də istifadə oluna bilər. Analar istəklərinə uyğun olaraq qutu əvəzinə sosial yardım da ala bilərlər. Amma yardımın məbləği 140 avro olduğundan, valideynlərin əksəriyyəti hədiyyə qutunu seçirlər. Çünki qutunun özü və içindəkilər 140 avrodan daha yüksək məbləğ olur.

İlk vaxtlarda bu hədiyyəni aztəminatlı ailələrə verirmişlər. 1949-cu ildən etibarən isə bütün ailələrə verilməyə başlayıb.

Bu, Finlandiya hökümətindən yeni doğulmuş uşaqlara qarşı bir jestdir həm də. Hökümət bu yolla uşağın hansı təbəqədə doğulmasından asılı olmayaraq ölkənin bərabərhüquqlu vətəndaş olduğunu göstərmək istəyir.