Taleh Bağırovun vəkili Mədət Quliyevə müraciət etdi

lahiyyatçı Taleh Bağırovun vəkili Cavad Cavadov Penitensiar Xidmətin rəhbəri Mədət Quliyevə müraciət edib.

Vəkilin "Yeni Müsavat"a verdiyi məlumata görə, müraciətdə ilahiyyatçının hazırda apellyasiya məhkəməsi davam etdiyi bir vaxtda Qobustanda saxlanılmasının qanunsuz olduğu qeyd olunur.

Sitat: "Hörmətli Mədət müəllim. Hüquqlarını müdafiə etdiyim Bağırov Taleh Kamil oğlu Qaradağ rayon Məhkəməsinin 28 noyabr 2014-cü il tarixli qərarı ilə saxlanıldığı 12 saylı Cəza Çəkmə Müəssisəsindən cəzasının sonunadək həbsxanaya keçirilmişdir. Həmin qərardan verdiyimiz apellyasiya şikayəti məhkəmənin 16 mart 2015-ci il tarixli qərarı ilə bərpa olunaraq (şikayət vaxtında verilmiş hesab edilərək) baxılması üçün Bakı Apellyasiya Məhkəməsinə göndərilmişdir. Hal hazırda apellyasiya baxışı davam edir. Bu gün Taleh Bağırov Həbsxana tipli Qobustan cəzaçəkmə müəssisəsində qanuni qüvvəsini almamış qərar üzrə saxlanılır və onün hüquqları pozulmaqda davam edir. Sizdən xahiş edirəm bu qanun pozuntusunun aradan qaldırılması üçün müvafiq göstərişlər verəsiniz".

Xatırladaq ki, ilahiyyatçı Taleh Bağırov 2013-cü il martın 31-də tutulub. Ona qarşı narkotik vasitə saxlama ittihamı irəli sürülüb və 2 il müddətinə azadlıqdan məhrum edilib. Ötən il avqustun 13-də Taleh Bağırovdan mobil telefon tapıldığına görə məhkəmə cəza müddətinə 4 ay da əlavə edib. Daha sonra isə 12 saylı cəzaçəkmə müəssisəsi rəhbərliyinin təqdimatı ilə ilahiyyatçı xüsusi rejimli həbsxanaya göndərilib.