Hindistanlı qızlar Bakıda qəzaya düşdü - 2 yaralı

Dünən gecə saat 23 radələrində Bakının Neftçilər prospektində (Hilton otelinin qarşısı) ağır yol-nəqliyyat hadisəsi baş verib

AzNews.az xəbər verir ki, yüksək sürətlə hərəkət edən avtomobil yolu keçmək istəyən iki gənc xanımı vurub. Həticədə hər iki şəxs ağır yaralanıb. Avtomobil sürücüsü dərhal hadisə yerini tərk edib. Ətrafdakıların köməyi ilə xəstəxanaya çatdırılan gənc xanımların Hindistan vətəndaşları olduğu bildirilir. Hər iki şəxsin vəziyyəti ağırdır.

Hadisə ilə bağlı araşdırma aparılır.

Vüqar