Canavarlar kəndə hücum etdi - 60 xırdabuynuzlu heyvan tələf oldu

Ötən gecə Qudula kəndində canavarlar Fikrət Məmmədov, Əlövsət Süleymanov, Fikrət İbrahimov və Nemət Əliyevə məxsus şəxsi təsərrüfatlara hücum edərək 60-dan çox xırdabuynuzlu heyvanı məhv edib.

AzNews.az xəbər verir ki, bu haqda məlumatı APA yayıb.

Hadisə ilə bağlı Şəki Rayon İcra Hakimiyyəti başçısının Qudula kəndi üzrə nümayəndəsi Rəşad Cumayev bildirib ki, hazırda təsərrüfatlara dəymiş ziyan dəqiqləşdirilir.

R. Cumayevin sözlərinə görə, hadisə ilə bağlı rayon baytarlıq idarəsinə məlumat verilib: "Hazırda idarənin əməkdaşları əraziyə cəlb olunub. Heyvanlardan quduzluqla bağlı nümunələr götürülüb. Ölmüş heyvanlar təlimata uyğun məhv ediləcək".