İnsan ömrünü uzadan tərəvəz tapıldı - Araşdırma

Amerika alimləri müəyyən ediblər ki, çuğundur insan orqanizmini şişlərdən və iltihablardan qoruya bilir.

AzNews.az xəbər verir ki, "American Journal of Clinical Nutrition" elmi jurnalında bu barədə araşdırma məqaləsi dərc olunub. Məqalə hər gün çuğundur yeyən insanın sağlamlığına nəzarət edən tətqiqatçılar tərəfindən hazırlanıb.

Alimlər çuğundur istifadə etməyin ürək və damar xəstəliklərindən qorunmaq üçün ən yaxşı profilaktik vasitə olduğunu aşkar ediblər.

Bundan başqa, çuğundurun tərkibinə sərbəst radikalları neytrallaşdıran antioksidantlar daxildir. Bu isə, xroniki ürək və ciyər xəstəliklərinin inkişaf etməsinin qarşısını alır.

Alimlər maksimal fayda əldə etmək üçün gün ərzində ən az 300 ml çuğundur şirəsi içməyi məsləhət görürlər.

Aydan Axundova