“Müsavat“dan Tural Abbaslının yeni partiya yaratmasına - Münasibət

Bu barədə T.Abbaslı özü məlumat verib. Bildirib ki, blok müxtəlif partiyalarda təmsil olunan, lakin həmin təşkilatlarda yetərincə dəstəklənməyən gənclərin parlament seçkilərində birgə iştirakını təmin etmək məqsədilə yaradılıb. Həmçinin o, “Ağ blok”un gələcəkdə partiyaya çevrilə biləcəyini də vurğulayıb.

Müsavat Partiyasının Divan üzvü, başqan müavini Osman Kazımov sözügedən blokla bağlı AzNews.az-a açıqlama verib. Bildirib ki, Tural Abbaslının yaratdığı "Ağ blok" Müsavat partiyasına qarşı deyil:

"Əgər blok partiyaya çevrilərsə, Tural bəy "Müsavat"la bağlı özü qərar qəbul edəcək. Seçim onun olacaq".

Xatırladaq ki, T.Abbaslı APA-ya açıqlamasında yaratdığı "Ağ blok"un parlament seçkilərindən sonrakı fəaliyyətindən danışıb.

Bahar RÜSTƏMLİ