SOCAR-a silahlı basqın - Pul oğurlandı

Gürcüstan DİN iyulun 31-nə keçən gecə Tbilisidə Moskva prospektində (Tbilisi ətrafı) SOCAR yanacaqdoldurma stansiyasının mağazasına basqın olunmasını təsdiqlədi.

AzNews.az oxu.az-a istinadən xəbər verir ki, "Sputnik-Georgia"nın məlumatına görə, naməlum şəxs soyuq silahla hədə-qorxu gələrək, mağazadan 800-900 arası lari (350-390 dollar) çıxarıb.

"Hadisə gecə baş verib. Təfərrüatlar dəqiqləşdirilmir", - DİN mətbuat xidmətinin əməkdaşı jurnalistlərə bildirib.

İstintaq "qarət" maddəsi üzrə aparılır, bu maddəyə görə beş ildən yeddi ilə qədər azadlıqdan məhrum etmə cəzası nəzərdə tutulub.