“Boko Haram” Nigeriyada 56 nəfəri öldürdü

“Boko Haram” ekstremist qruplaşmasının silahlıları Nigeriyanın şimal-şərqində yerləşən Borno ştatının 56 dinc sakinini qətlə yetirib.

AzNews.az Associated Press agentliyinə istinadən xəbər verir ki, ştatın qubernatoru Kaşim Şettima faktı təsdiqləyib.

Qubernatorun sözlərinə görə, ölənlərin cəsədləri hələ də küçələrdə qalıb. Çünki qalan sakinlərin hamısı qorxudan qaçıblar.

Qeyd edək ki, "Boko Haram" terrorçu qruplaşması son altı ildir ki Nigeriya və bəzi sərhədyanı ölkələrdə fəaliyyət göstərir. Bu müddət ərzində 20 mindən çox insan qruplaşmanın qurbanı olub.

Aydan Axundova