Polisləri video yaymaqla şantaj etdi – 3000 pul istədi

Azərbaycanda polis əməkdaşlarından şantaj yolu ilə 3000 manat pul istəyən şəxs tutulub.

AzNews.az-ın Daxili İşlər Nazirliyinin mətbuat xidmətinə istinadən verdiyi məlumata görə, oktyabrın 8-də Biləsuvar Rayon Polis Şöbəsinin Dövlət Yol Polisi Bölməsi əməkdaşları Ramal Ağammədov və Rauf Əzimov raportla müraciət edərək Cəlilabad rayon sakini Xəyal Əmirovun oktyabrın 6-da onlara zəng edib guya rüşvət almalarını videoya çəkməsini deyərək onlardan pul tələb etməsini bildirib. Görülən tədbirlərlə X.Əmirov polis əməkdaşlarından 3000 manat alarkən tutulub.