07:21
(077) 610-22-33

Müvəkkil Hüquq Mərkəzi sahibkarlar üçün təlimlər təşkil etdi - Cənub bölgəsində

  • >
1 057 20 Avqust 2016 16:50 | Cəmiyyət

Müvəkkil Hüquq Mərkəzi Azərbaycan Respublikasının Prezidenti yanında Qeyri-Hökumət Təşkilatlarına Dövlət Dəstəyi Şurasının maliyyə dəstəyi ilə “Əhali arasında “Açıq Hökumət”in təşviqi və vergi mədəniyyətinin inkişaf etdirilməsi” layihəsi çərçivəsində cənub regionunda sahibkarlar üçün təlimlərə start verib.


Təlimlər 18 avqust Cəlilabad rayon İcra Hakimiyyətində və 19 avqust Masallı rayon Gənclər Mərkəzində keçirilib. "Sahibkarlar üçün hüquqi əqdlər və mühasibatlıq" mövzusunda keçirilən təlimlərdə Cəlilabad və Masallı rayonlarından olan 23 sahibkar iştirak edib.

Müvəkkil Hüquq Mərkəzinin sədri və layihə rəhbəri Səməd Vəkilov layihə haqqında geniş məlumat verərək, son dövrlər sözügedən mövzunun aktual olmasına diqqət çəkib.

Təlim-treninqlər nəzəri və praktik hissələrdən ibarət olmaqla aparılmışdır. Təlimçilər Səməd Vəkilov, Cəsarət Hüseynzadə və Tofiq Əliyev region sahibkarlına "Sahibkarlıq subyektləri arasında bağlanmış əqdlərin hüquqi aspektləri" və "Sahibkarlıq subyektlərində mühasibatlıq işinin təşkili" mövzusunda məlumatlar veriblər.

Təlimlərin ikinci, praktik hissəsində isə treninq iştirakçıları 4 qrup üzrə komanda çalışmalarında iştirak etmiş və təqdimatlar hazırlamışlar.

Sonda təlimi uğurla başa vuran sahibkarlara sertifikatlar təqdim edilib.
Bağla X