21:22
(077) 610-22-33

Əli İnsanova niyə yeni cinayət işi açılıb? - Açıqlama + Yenilənib

  • >
6 571 24 Avqust 2016 17:45 | Cəmiyyət

Hazırda həbsdə olan sabiq Səhiyyə naziri Əli İnsanova qarşı irəli sürülən ittiham bəlli olub.


AzNews.az xəbər verir ki, bu barədə Müsavat Partiyasının başqan müavini Tofiq Yaqublu məlumat verib. Onun sözlərinə görə, Ə.İnsanov həbsxanada məhbusları səhv müalicə etməkdə təqsirli bilinir.

Qeyd edək ki, sabiq səhiyyə naziri Əli İnsanov barədə yeni cinayət işi başlanıb.

Bahar RÜSTƏMLİ
AzNews.az


14:39
***


Həbsdə olan sabiq səhiyyə naziri Əli İnsanova Cinayət Məcəlləsinin (CM) üç maddəsi ilə ittiham irəli sürülüb.

Sabiq nazir CM-in 234.1 (Satış məqsədi olmadan qanunsuz olaraq narkotik vasitələri və ya psixotrop maddələri şəxsi istehlak miqdarından artıq miqdarda əldə etmə və ya saxlama), 315.2 (Hakimiyyət nümayəndəsinə xidməti vəzifələrini yerinə yetirərkən həyat və sağlamlıq üçün təhlükəli olmayan zor tətbiq etməklə müqavimət göstərmə, xidməti vəzifələrini yerinə yetirməsi ilə əlaqədar ona və ya onun yaxın qohumlarına qarşı belə zor tətbiq etmə və ya zor tətbiq etmə hədəsi ilə hədələmə, bu maddədə göstərilən şəxslərə qarşı həyat və sağlamlıq üçün təhlükəli olan zor tətbiq etmə) və 317-2.1-ci (Cəzaçəkmə müəssisələrində və ya istintaq təcridxanalarında saxlanılan şəxs tərəfindən qadağan olunmuş əşyaların hazırlanması, saxlanılması, gəzdirilməsi, daşınması və ya istifadəsi, eyni əməllər təkrar törədildikdə) maddələri ilə ittiham olunur.

Qeyd edək ki, Ə.İnsanov 2005-ci ilin oktyabr ayında həbs edilib. O, dövlət vəsaitlərinin mənimsənilməsində və dövlət aktivlərinin qanunsuz özəlləşdirilməsinin təşkilində ittiham olunub. 2007-ci ilin aprel ayında Ə.İnsanov Bakı Ağır Cinayətlər Məhkəməsinin hökmü ilə əmlakı müsadirə olunmaqla və 3 il ərzində dövlət vəzifəsi tutması qadağan edilməklə 11 il müddətinə azadlıqdan məhrum edilib.


Report.az
Bağla X