Dünyanın sonuna dair proqnozlar intihar dalğasına səbəb olub - NASA

NASA alimləri gənclərin dünyanın sonuna dair şayiələrə necə reaksiya verməsindən narahatdılar. 2012-ci ilin 21 dekabrı yaxınlaşdıqca intiharların sayı artır. Dünyanın sonunu görməmək üçün bir çox gənclər intihara əl atırlar. Qeyri-rəsmi statistik rəqəmlər alimləri qorxudur.

Maraqlısı da odur ki, çoxları bu addımı məhz dünyanın axırına inandıqlarına görə atırlar. Alimlər rəsmi açıqlama verərək bildirirlər ki, mayalar öz proqnozlarında hər hansı faciədən söhbət açmayıblar. Yalnız dekabrın 21-i onların təqviminin bir dövrü (13-cü baktun) sona yetir.

Alimlər bizim sivilizasiya üçün nəyin real təhlükə olduğunu da açıqlayıblar. Onlar hesab edirlər ki, yalnız şəxsi hərəkətlərimiz neqativ sonluğa gətirib çıxara bilər.

Inci
AzNews.az