21:15
(077) 610-22-33

Azərbaycanda yeni agentlik yaradıla bilər

  • >
2 124 15 Noyabr 2016 19:23 | Cəmiyyət

ABŞ-ın Azərbaycandakı Ticarət Palatası (AmCham) ASAN xidmət nəzdində xarici investorlarla iş üzrə vahid agentliyin yaradılmasını təklif edir.


Trend-in məlumatına görə bu, Azərbaycan Prezident Administrasiyasına bu gün təqdim olunan "Azərbaycanda biznes mühitinin yaxşılaşdırılması üzrə müşahidə və məsləhətlər" adlı "Ağ kitab"da yer alıb.

Sənəddə qeyd olunub ki, investisiyaların müdafəsinin təmin olunması üçün "AmCham" agentliyin birbaşa Azərbaycan Prezidentinin nəzarətində olmasını təklif edib.

"AmCham" Azərbaycan hökumətinin neft sektoruna çox uğurlu şəkildə investisiyaları cəlb etdiyini bildirir. "Biz eyni prosesin qeyri-neft sektorunda da olmasını gözləyirik. Azərbaycan xarici investorlar üçün cəlbedici bazara çevrilməlidir."

Təkliflərdən biri, xarici investorların məhkəmə işlərinə baxılması üçün iqtisadi məsələlər üzrə xüsusu məhkəmənin yaradılmasıdır. Digər təklif isə Azərbaycanda xarici investorlar üçün xüsusi vergi rejiminin tətbiq olunmasıdır. Təklifdə deyilir: "Bu cür rejimdə konkret layihənin icrası zamanı hökumət vergi faizini artırmamağı öhdəsinə götürür".

AzNews.az
Bağla X