Milli Məclisin deputatı Fazil Mustafa Azərbaycan Demokrat Partiyasının sədri Sərdar Cəlaloğlunun arasında mübahisə yaranıb. Milli Məclisin deputatı Fazil Mustafa Azərbaycan Demokrat Partiyasının sədri Sərdar Cəlaloğlunun arasında mübahisə yaranıb.

“Sərdar Cəlaloğlunun bu iddiası dələduzluqdur”- Fazil Mustafa

Milli Məclisin deputatı Fazil Mustafa Azərbaycan Demokrat Partiyasının sədri Sərdar Cəlaloğlunun arasında mübahisə yaranıb.

AzNews.az xəbər verir ki, buna səbəb Sərdar Cəlaloğlunun Quranın elmini, fəlsəfəsini və sosiologiyasını yazmasını bəyan etməsidir. Millət vəkili hesab edir ki, bu ifadəni işlədən şəxsin ağlı yerində deyil:

“Sərdar Cəlaloğlu adlı dünya şöhrətli alimimiz yazıb ki, bəs o, Quranın elmini, fəlsəfəsini və sosiologiyasını yazır. Mən də belə bir cümləni işlədən adamın əqli problemi olduğunu yazmışam. Adam mənim bir cümləmin mənasını anlamayıb, ancaq qosqoca Quranın elmini, fəlsəfəsini, sosiologiyasını yazdığını iddia edir. Elə bilir bəlkə bu sözləri paxıllıqdan yazmışam. Yəni Quran barədə hər bir düşünən insan, hansısa alim öz mülahizə və görüşlərini yaza biilər, ancaq Quranın elmini yazmaq iddiası ilə çıxış etmək, başqalarını bilmirəm, mənə elmi dolandırıcılıq, yəni dələduzluq kimi gəldi. Çünki hətta İslam dünyasının ən nəhəng alimi sayılan İmam Qəzzali belə Quranın elmini yazdığını iddia etməyib. Sərdar Cəlaloğlu isə Quranın elmindən başqa fəlsəfə və sosiologiyasını da tamamlamaq üzrədir.”

Fazil Musata qeyd edib ki, Sərdar Cəlaloğlunun fikirləri ilə tanış olduqdan sonra onunla bu mövzuda müzakirəyə apardığına peşman olub: “Biz yan-yörəmizdəki dahiləri tanımayacaq qədər geridə qalmışlarıq, deyə düşündüm. Hörmətli Sərdar bəyin cavabından önəmli hissəni olduğu kimi verirəm:

"Mən özümü nə Fərabidən, nə İbn Sinadan, nə də başqalarından aşağı sayıram. Onlar yaza bilərlər, amma mən niyə yox? Mən özümü alim sayıram. Əgər alim olmaq Fazilin gözündə əqli qusurdusa, bu başqa söhbətdir. Alimliyimi başqa sahələrdə də göstərmişəm. Yazım Nobel mükafatında gizli səsverməyə qədər gedib çıxıb. Fazil bəyin dediklərinin mənə heç bir aidiyyatı yoxdur. Çox yanlış danışır. Elmdə mən dünya səviyyəsinə çıxmışam. Nobel mükafatına iddiali kimi danışıram. İnanıram ki, kitabım İslam dünyasına analoqu olmayan kitab olacaq. Fazil bəy də bu kitabdan bəhrələnəcək. Onun dediklərinə fikir verməyin. Biriləri işləyir, bekarlar onların işini tənqid edirlər. Fazil bəy burada ikincilərdəndir”.

Ay gözəlim Azərbaycan, sənin qoynunda necə dahilər yetişmiş...Fərabi, Şeyx Nizami, Məhəmməd Füzuli, Sərdar Cəlaloğlu...”

Bahar RÜSTƏMLİ

AzNews.az