03:36
(077) 610-22-33

"12 yaşınadək uşaq avtomobildə oturacaqsız daşınsa, 60 manat cərimə olunacaq"- Rəsmi açıqlama

  • >
72 146 16 Fevral 2017 14:18 | Cəmiyyət

"Düşünməsinlər ki, kimsə oturacaq qurğu gətirib, onu satmaq istəyir, guya bizdən istifadə edir. Xeyr, bu belə deyil.”

Bunu AzNews.az-a açıqlamasında Bakı şəhər Dövlət Yol Polisi İdarəsinin ictimaiyyətlə əlaqələr şöbəsinin rəisi, polkovnik Vaqif Əsədov açıqlayıb. Onun sözlərinə görə, bu gün istəlinən inkişaf etmiş ölkədə hərəkətə baxanda bir maşın tapa bilməzsən ki, azyaşlı uşaq salonun içində gəzsin, yaxud da pəncərədən əlini çıxartsın: “Bu niyə bizdə olmasın? Yol polisi tərəfindən bəzi uşaqların şıltaqlığı nəzərə alınır. Başqa ölkələrdən fərqli olaraq, biz uşaqların nazı ilə oynayırıq, onların istəklərinə uyğun şərait yaradırıq. Bu yolverilməzdir. 12 yaşınadək uşaqların avtomobillərdə xüsusu oturaq qurğusu olmadan daşınması təhlükəlidir. Qəza nəticəsində kim zəmanət verə bilər ki, azyaşlı uşaq oturduğu kimi qalacaq? Biz də bunu tətbiq etməliyik ki, yol hərəkətində mədəniyyət formalaşsın. Sərnişin təhlükəsizlik kəmərini bağlamırsa 30, sürücü bağlamırsa 40, xüsusi oturacaq qurğusu yoxdursa və 12 yaşınadək uşaq necə gəldi daşınırsa 60 manat məbləğində cərimə olunacaq. Bunu Yol Hərəkət Haqqında qanunun 56-cı maddəsi deyir.”

Polkovnik qeyd edib ki, avtomobil sənayesi onu kəməri ilə birlikdə istehsal edir: “Hadisələrə nəzər salanda görürük ki, hansı avtomobildə kəmər bağlanılıbsa, orada xəsarət dərəcəsi yüngülləşib. Niyə bunu bildiyimiz halda kəmərdən istifadə etməyək? Hələ bir narazılığımızı da bildiririk. Nəqliyyat vasitəsinə əyləşən sürücü azyaşlıları qorumağa borcludur.”

Vaqif Əsədov Yol Polisi Haqqında qanunun azyaşlı uşaqların qucaqlarda daşınmasının tənzimləndiyini vurğulayıb: “12 yaşına kimi azyaşlı uşaqlar ailə ilə gedirsə, bu ayrı bir faktdır. Yəni, bu zaman sürücünün diqqəti yolda olur. Amma biri də var salonda azyaşlı tək olsun, bu zaman sürücünün diqqəti yoldan yayınır.”

Vaqif Əsədov Yol Hərəkəti Haqqında qanunun təbliğində insanları panikaya uymağağa səsləyib:

“Xahiş edirəm bu məsələdə diqqətli olaq. Yəni düşünməsinlər ki, kimsə oturacaq qurğu gətirib, onu satmaq istəyir, guya bizdən istifadə edir. Xeyr, bu belə deyil.”

Bahar RÜSTƏMLİ

AzNews.az

Bağla X