03:49
(077) 610-22-33

Əkrəm Əylisli: ““Daş yuxuları“ Azərbaycan dilində nəşrə hazırlayıram”

  • >
312 1 Fevral 2013 14:26 | Cəmiyyət

"Mən hazırda romanı Azərbaycan dilində nəşrə hazırlayıram. Tezliklə roman ana dilimizdə də çapdan çıxacaq". Bunu kulis.az-a açıqlamasında Xalq yazıçısı Əkrəm Əylisli deyib.

O bildirib ki, ciddi müzakirə mövzusuna çevrilmiş və tənqid olunan "Daş yuxular" romanından imtina etməyib: "Mən romanımdan imtina etməmişəm ki, onu kimsə çap eləsin. Özüm elə indi əsərimi Azərbaycan dilində nəşrə hazırlayıram".

Ə. Əylisli bu əsəri əslində Azərbaycan dilində yazdığını, rus dilinə də özünün tərcümə etdiyini bildirib. Rusca tərcümə prosesində müəyyən əlavələr etdiyini deyən yazıçı hazırda həmin əlavələri Azərbaycan variantına da köçürdüyünü bildirib.

O qeyd edib ki, əsərini onun icazəsi olmadan tərcümə edib yayacaq şəxs və qurumları məhkəməyə verəcək: "İndi götürüb ürəklərinin istədikləri kimi tərcümə edəcəklər, mənim romanımda olmayan şeyləri mənim adımdan yazacaqlar. Belə bir tərcümə olacaqsa, mən onları məhkəməyə verəcəyəm".

AzNews.az
Bağla X