09:05
(077) 610-22-33

Şirvanda narkobaron ailə həbs olundu - Fotolar

  • >
10 243 5 May 2017 09:10 | Cəmiyyət

Şirvanda heroinin satışı ilə məşğul olan ata, oğul və qadın saxlanılıb.

APA-nın Mil-Muğan bürosunun məlumatına görə, Şirvan polis şöbəsinin əməldaşlarının keçirdikləri əməliyyat tədbirləri çərçivəsində Şirvan sakini, 1 may küçəsi 14 ünvanında yaşayan, əvvəllər narkotik vasitələrinin satışına görə məhkum olunan 1972-ci il təvəllüdlü Ağami Seyidsadiq Mirmehdi oğlu saxlanılıb. Onun üzərinə baxış keçirilərkən 2 bükümdə olan ümumi çəkisi 1,002 qram narkotik vasitə olan heroin aşkarlanaraq götürülüb.

Keçirilən əməliyyatın davamı olaraq digər əməliyyat tədbiri zamanı yuxarıda adı çəkilən şəxsin oğlu - Şirvan sakini, 1 may küçəsi 12 ünvanında yaşayan Ağami Seyidrza Seyidsadiq oğlunun nikahdankənar yaşadığı Mehriban Səmədovaya məxsus evdən 1 ədəd polietilen bükümdə 21,115 qram və 7 ədəd polietilen bükümdə 3,502 qram, ümumi çəkisi 24, 617 qram olan narkotik vasitə olan heroin, bir ədəd bıçaq və bir ədəd tərəzi aşkar olunaraq götürülüb. Seyidrza Ağami narkotik vasitə olan heroini istintaqa məlum olmayan İran vətəndaşından aldığını qeyd edib.

Hər üç şəxs polis tərəfindən saxlanılıb.

Faktla bağlı Şirvan polis şöbəsində araşdırma aparılır.

image description image description image description
Bağla X