Gəncə İcra Hakimiyyətinə yeni müavinlər təyin edildi



Gəncə şəhər İcra Hakimiyyəti başçısının yeni müavinləri təyin olunub.

"Trend" Kəpəz TV-yə istinadən xəbər verir ki, Mikayıl Zeynalov Gəncə şəhər İcra Hakimiyyəti başçısının birinci müavini, Nizami Hacıyev isə başçısının təhsil səhiyyə və mədəniyyət məsələləri üzrə müavini təyin olunub. Qeyd edək ki, Zeynalov buna qədər şəhər Gənclər və İdman Baş İdarəsinin rəisi, Hacıyev isə İcra Hakimiyyətinin humanitar şöbəsində baş məsləhətçi vəzifəsində çalışıb. Şənbə günü şəhər ziyalılarının toplantısında müavinlər və Baş Polis İdarəsinə yeni təyin olunmuş rəis Faiq Şabanov ictimaiyyətə təqdim olunublar.