Azərbaycanda tütün məmulatları tullantılarının ətraf mühitə atılması qadağan edilir. Azərbaycanda tütün məmulatları tullantılarının ətraf mühitə atılması qadağan edilir.

Siqaret kötüyünü yerə atanlar cərimələnəcək

Azərbaycanda tütün məmulatları tullantılarının ətraf mühitə atılması qadağan edilir.

AzNews.az Trend-ə istinadən xəbər verir ki, bununla bağlı müddəa "Tütün məmulatlarının istifadəsinin məhdudlaşdırılması haqqında" qanun layihəsində əksini tapıb.

Məsələyə münasibət bildirən Milli Məclisin deputatı Musa Quliyev Trend-ə deyib ki, qanun layihəsi qüvvəyə mindikdən sonra İnzibati Xətalar Məcəlləsində bununla bağlı cərimələr müəyyənləşəcək: "İndidən cərimənin məbləğinin nə qədər olacağını demək çətindir, ancaq cərimələr mütləq müəyyənləşəcək".

Həmçinin, qanun layihəsinə əsasən, əgər siqaret çəkən şəxs bunun nəticəsində digər şəxslərin sağlamlığına və ya əmlakına ziyan vurarsa, bunu ödəmək məcburiyyətində olacaq.

Qeyd edək ki, qanun layihəsi birinci oxunuşda Milli Məclisin plenar iclasında müzakirə edilərək qəbul olunub.