Ramil Usubov kadr dəyişiklikləri etdi- ƏMR

ZİYA MƏMMƏDOVUN QARDAŞI OĞLUNUN YERİNƏ ADAM TAPILDI

AzNews.az-ın əldə etdiyi məlumata görə, daxili işlər naziri Rzmil Usubov daha bir rayonun polis rəisini təzələyib. Belə ki, Ağstafa Rayon Polis İdarəsinin rəisi polkovnik Namiq Əliyev Salyan rayonu Polis İdarəsinin rəisi vəzifəsinə təyin edib.
Qeyd edək ki, Salyan Polis idarəsinin rəisi Fuad Məmmədov (Nəqliyyat naziri Ziya Məmmədovun qardaşı oğlu) fevralın 13-də tutduğu vəzifəsindən azad edilərək, Baş Narkotiklərlə Mübarizə İdarəsinə rəis müavini təyin edilmişdi
Ramil Usubovun digər bir əmri ilə Baş Narkotiklərlə Mübarizə İdarəsinin sabiq rəis müavini polkovnik leytenant Şahin Mirzəyev Şirvan şəhərinə polis rəisi vəzifəsinə təyin edilib. Xatırladaq ki, Şirvanın polis rəisi bir müddət əvvəl Xəzər rayonuna rəis göndərilmişdi.

Onu da bildirək ki, son günlər ərzində DİN sistemində müəyyən yerdəyişmələr və yeni təyinatlar həyata keçirilir və prosesin bundan sonra da davam edəcəyi gözlənilir.

Orxan
AzNews.az