Füzuli rayonunda kənd təsərrüfatı təyinatlı torpaqların istifadəsi zamanı qanunvericiliyin tələblərinin pozulması, o cümlədən torpaqlardan təyinatına uyğun səmərəli istifadə olunmasına nəzarət gücləndirilib. Füzuli rayonunda kənd təsərrüfatı təyinatlı torpaqların istifadəsi zamanı qanunvericiliyin tələblərinin pozulması, o cümlədən torpaqlardan təyinatına uyğun səmərəli istifadə olunmasına nəzarət gücləndirilib.

Füzulidə torpaqlardan təyinatına uyğun istifadə olunmasına nəzarət gücləndirilib - Fotolar

Füzuli rayonunda kənd təsərrüfatı təyinatlı torpaqların istifadəsi zamanı qanunvericiliyin tələblərinin pozulması, o cümlədən torpaqlardan təyinatına uyğun səmərəli istifadə olunmasına nəzarət gücləndirilib.

AzNews.az xəbər verir ki, bu məqsədlə rayonun hüquq-mühafizə orqanlarının, aidiyyəti qrumların, icra nümayəndələrinin, blədiyyələrin və torpaq istifadəçilərinin iştirakı ilə müşavirə və yığıncaqlar keçirilib, kənd təsərrüfatı təyinatlı torpaqların istifadəsi zamanı qanunvericiliyin tələblərinin pozulması, o cümlədən torpaqların təyinatına uyğun, maksimum səmərəli istifadə olunması məsələləri ətraflı müzakirə olunub.

Torpaq istifadəçiləri ilə keçirilən görüşlərdə torpaqdan istifadəyə dair icarə müqavilələrinin bağlanması, vergi ödənilməsi izah olunub, bu sahədə maarifləndirmə işi aparılıb. Bildirilib ki, Dövlət Qış Otlaq Fonduna aid olan və örüş-otlaq məqsədilə icarəyə verilən torpaqlar yalnız təyinatına uyğun istifadə olunmalı, qanunvericiliklə müəyyən olunduğu kimi 3 fazidən çox olmayan hissəsindən xəsil kimi istifadə oluna bilər.

Qeyd edilib ki, rayonda hələdə bəzi torpaq icarədarları torpaqlardan təyinatına və müvafiq icarə müqaviləsinin şərtlərinə uyğun istifadə etmirlər. Bəzi fiziki və hüquqi şəxslər torpaq qanunvericiliyinin və müvafiq icarə müqavilələrinin tələblərinə riayət etməyərək müvəqqəti icarələrinə verilmiş torpaq sahələrini ikinci, hətda üçüncü şəxslərə qanunsuz olaraq subicarəyə verməklə torpaqları alver predmetinə çevirirlər ki bu da yolverilməzdir. Rayon İcra Hakimiyyətinin başçısı tərəfindən hüquq-mühafizə orqanlarına və aidiyyəti qrumlara bu cür hallara qarşı qanunamüvafiq tədbirlər görməyi tapşırılıb.

Torpaq istifadəçiləri ilə keçirilən görüşlərdə RİHB Alı Alıyev qeyd edib ki, ölkə başçısının torpaqlardan səmərəli və məqsədyönlü istifadə olunması ilə bağlı tapşırıq və göstərişlərinə uyğun olaraq rayon ərazisində əvvəllər kortəbii şəkildə istifadə olunan ərazilərdə 4 iri taxılçılıq təsərrüfatı yaradılıb. Həmin təsərrüfatlarda ötən il 35 sentnerdən artıq məhsul götürülüb, o cümlədən 2700 ha sahə müxtəlif növ kənd təsərrüfatı məhsullarnın istehsalı üçün Aqroparkın istifadəsinə verilib, 500 ha sahə isə cari ildə toxumçuluq məqsədilə istifadəyə veriləcək.

Keçirilən görüş və yığıncaqlarda bələdiyyə mülkiyyətində, həmçinin şəxsi mülkiyyətdə olan torpaqlardan da maksimum səmərəli istifadə olunması, torpağın, münbitliyinin və məhsuldarlığının artırılması yolları müzakirə edilib, torpaq istifadəçilərinə maarifləndirmə xarakterli məsləhət və tövsiyyələr verilib.

Rayon İcra Hakimiyyəti ərazidə kənd təsərrüfatı təyinatlı torpaqların istifadəsi zamanı qanunvericiliyin tələblərinin pozulması, o cümlədən torpaqların təyinatına uyğun səmərəli istifadə olunmaması hallarına yol verənlər barədə qanunvericilikdə nəzərdə tutulan tədbirləri bundan sonra da davam etdirəcək, bu məsələni gündəlik nəzarətdə saxlayacaq.

image description