26 yaşlı oğlanın intiharının təfərrüatları: “ Valideynləri yuxudan oyananda baxıblar ki…”

Qubada 26 yaşlı oğlanın intiharının bəzi təfərrüatları məlum olub.

Rayonun Püstəqasım kəndindən AzNews.az –a verilən məlumata görə, Namik Abdullayev uzun müddət hərbi sahədə işləyib:

“Subaydır, özü də Bakıda olurdu. Yaxşı ailəsi, ata-anası var. Sentyabrın 21-də səhər saat 06:00-da tezdən yuxudan oyanıb, həyətdə özünü asıb. Valideynləri yuxudan oyananda baxıblar ki, ayaqqabıları həyətdədir, amma özü yoxdur. Axtaranda görüblər özünü asıb. Heç kəs bilmir ki, o, özünü niyə asıb”.

Qeyd edək ki, Qubada intihar hadisəsi olub. Rayonun Püstəqasım kənd sakini, 1991-ci il təvəllüdlü Abdullayev Namik Rəcəb oğlu özünü asaraq intihar edib.

Bahar RÜSTƏMLİ

AzNews.az