Azərbaycan Xəzərdə kruizlərin təşkili üçün Rusiya ilə danışıqlar aparır

Azərbaycan Xəzər dənizində kruizlərin təşkili üçün Rusiya tərəfi ilə danışıqlara başlayıb.

AzNews.az apa-ya istinadən xəbər verir ki, bunu mədəniyyət və turizm nazirinin müavini Nazim Səmədov Xəzər-Avropa İnteqrasiya İşgüzar Klubunun (CEIBC) üzvləri ilə görüşündə deyib. O bildirib ki, bu məsələ ilə bağlı ən böyük problem laynerlərin olmamasıdır: "Hazırda Rusiya tərəfindən 2 layner tikilir. Artıq Rusiya ilə şifahi də olsa, razılıq əldə edilib ki, iki ölkə arasında belə bir kruiz təşkil edilsin".