Hərbçilərlə kütləvi dava ilə bağlı açıqlama - Rəsmi

Müdafiə Nazirliyi Bakının Hökməli qəsəbəsində hərbçilərlə mülki şəxslər arasında baş vermiş kütləvi dava ilə bağlı açıqlama verib.


Nazirliyin mətbuat xidmətinin rəis müavini mayor Teymur Abdullayev Trend-ə bildirib ki, təhqiqatın nəticəsindən asılı olaraq, təqsirkar şəxslər müəyyən edilərək məsuliyyətə cəlb olunacaqlar.

"Təəssüfləndirici hal olsa da deməliyik ki, Hökməli qəsəbəsi ərazisində hərbçilərlə mülki şəxslər arasında belə bir hadisə baş verib. Lakin hadisənin motivi və səbəbləri barədə indi konkret fikir söyləmək tezdir. Hadisə ilə əlaqədar hüquq-mühafizə orqanları Müdafiə Nazirliyinin müvafiq qurumları ilə birgə təhqiqat aparırlar. Təhqiqatın nəticəsindən asılı olaraq, təqsirkar şəxslər müəyyən edilərək məsuliyyətə cəlb olunacaqlar", - nazirliyin sözçüsü qeyd edib.