Batumi otelindəki yanğında azərbaycanlılar xəsarət alıbmı? - Araşdırma başladı

"Leoqrand" mehmanxanasında yanğında 11 nəfər həlak olub, 21 nəfər isə yaralanıb.

Azərbaycanın Batumidəki Baş konsulluğu “Leogrand” mehmanxanasında baş vermiş yanğın zamanı xəsarət alanların arasında azərbaycanlıların olub-olmaması faktını araşdırır.

AzNews.az xəbər verir ki, bunu Trend-ə Azərbaycanın Gürcüstandakı səfiri Dursun Həsənov deyib.

Səfirin sözlərinə görə, hazırda baş konsul Rəşad İsmayılov hadisə yerindədir.

Qeyd edək ki, ötən gün Batumi şəhərində "Leoqrand" mehmanxanasında yanğın baş verib.

Hadisə nəticəsində 11 nəfər həlak olub, 21 nəfər isə yaralanıb.