Gəncə-Moskva aviareyslərinin sayı artırıla bilər

Rusiyanın “Utair” aviaşirkəti Moskva-Gəncə marşrutu ilə uçuşların sayının artırılması üçün icazə alıb.

AzNews.az Virtualaz.org-a istinadən xəbər verir ki, bu barədə Rusiya Hava Nəqliyyatı Federal Agentliyinin Beynəlxalq daşımalara icazə üzrə qurumlararası komissiyasının protokolunda məlumat verilir.

Aviaşirkət reyslərin sayını həftədə 5-dən 7-dək artıracaq.

Eyni zamanda, analoji müraciət edən “Uralskie avialinii” aviaşirkətinin təklifi qəbul edilməyib.

Qeyd edək ki, “Utair” aviaşirkəti 2016-cı ilin martından Moskva-Gəncə reyslərini həyata keçirir.