06:03
(077) 610-22-33

Səfər Əbiyev və Xanlar Vəliyevdən cavab istədilər

  • >
312 5 Mart 2013 14:59 | Cəmiyyət

Bir qrup jurnalist və hüquq müdafiəçisi müdafiə naziri Səfər Əbiyevə, hərbi prokuror Xanlar Vəliyevə əsgər ölümləri ilə bağlı informasiya sorğusu göndərib.

"Turan"ın məlumatına görə, sorğuda bu suallar yer alır:

- Əsgər Ceyhun Qubadovun hansı şəraitdə və hansı səbəblərdən dünyasını dəyişməsi müəyyən edilibmi?

- Ceyhun Qubadovun işi ilə bağlı hazırda neçə nəfər məsuliyyətə cəlb edilib və onların vəzifələri nədir?

- Ceyhun Qubadovun işi ilə bağlı istintaq hansı mərhələdədir?

- Ceyhun Qubadovun, o cümlədən qeyri-döyüş şəraitində əsgərlərin həlak olmasının qarşısını almaq üçün hansı qabaqlayıcı tədbirlər, yaxud addımlar planlaşdırılıb?

- Müdafiə Nazirliyinin rəhbərliyindən kimsə, yaxud kimlərsə bu ölüm faktlarına görə cəzalandırılıbmı?

Müraciəti hüquq müdafiəçisi Rəsul Cəfərov, jurnalistlər Mehman Əliyev, Samir Kazımlı, Natiq Cavadlı, Nicat Məlikov, Seymur Kazımov imzalayıblar.
Bağla X