Alimlər demensiyanın əsas səbəbini tapıblar

Alimlərin apardıqları genişmiqyaslı araşdırmaların nəticəsinə əsasən müəyyən olunub ki, həddindən artıq spirtli içki qəbul etmək insanlarda demensiya (əqli gerilik) yaradır.

AzNews.az-ın dünya mətbuatına istinadən verdiyi məlumata görə, araşdırmanın nəticələri "The Lancet Public Health" jurnalında nəşr olunub.

Alimlər Fransada yaşayan erkən demensiya diaqnozu qoyulan 57 min insanın xəstəlik səbəblərini araşdırarkən onların 57%-nin alkoqol asılılığından əziyyət çəkdiyini öyrənib. Demensiyaya tutulma riski spirtli içkilərin istehlakı zamanı kişilərdə 60, qadınlarda isə 40 qramı keçdikdən sonra baş verir. Demensiyadan əziyyət çəkənlərin əksəriyyəti qadınlar olsa da, erken demensiya diaqnozu qoyulanların 65%-i kişilər olub.