02:54
(077) 610-22-33

Azərbaycan 81-ci yerdədir

  • >
392 12 Mart 2013 17:12 | Cəmiyyət

İqtisadiyyat və Sülh İnstitutu Merilend Universiteti ilə birgə hazırladığı dünya ölkələrinin terror təhlükəsi reytinqini açıqlayıb



APA-nın xəbərinə görə, 158 ölkəni əhatə edən reytinqdə Azərbaycan terror təhlükəsi səviyyəsinə görə 81-ci yerdə qərarlaşıb.

"Terror təhlükəsi indeksi" 4 kriteriya (2012-ci ildə həyata keçirilən terror aktları, maddi zərər, ölən və zərərçəkənlərin sayı) üzrə müəyyənləşdirilib.

Siyahıda ilk yeri İraq tutub. Ötən il bu ölkədə 1228 terror aktı həyata keçirilib, nəticədə 1798 nəfər ölüb, 4905 nəfər yaralanıb. Maraqlıdır ki, İraqda terror aktına iştiraka görə ölüm cəzası qüvvədədir.

İkinci yerdə Pakistan gəlir. 2012-ci ildə bu ölkədə 910 terror hadisəsi baş verib, 1468 nəfər ölüb, 2459 nəfər yaralanıb.

İlk üçlüyü Əfqanıstan tamamlayır – 364 terror aktı, 1293 ölü, 1882 yaralı.

İlk onluqda Hindistan, Yəmən, Somali, Nigeriya, Tailand, Rusiya və Filippin də var. Türkiyə 19-cu, Ermənistan 97-ci yerdədir.

Son onillikdə cəmi 31 ölkədə terror aktı baş verməyib. Avropada terror aktlarının sayı azalsa da, bu hadisələr zamanı ölənlərin sayı ABŞ-ın göstəricisini 19 dəfə üstələyir.

AzNews.az
Bağla X