- Köhnə - Cəmiyyət
- 16 Avqust 2018 18:36
- 3 076
Ata-oğul İrandan ölkəmizə narkotik keçirməyə cəhd etdi
Astara Rayon Polis Şöbəsinin əməkdaşları narkotik vasitələrin qanunsuz dövriyyəsinə qarşı növbəti əməliyyat tədbiri keçiriblər.
AzNews.az DİN-ə istinadən xəbər verir ki, Astara RPŞ-yə rayonunun Şiyəkəran kənd sakinləri Habil Yusifov və oğlu Xaliq Yusifovun İranda əldə etdikləri külli miqdarda narkotik vasitələri ölkə ərazisinə keçirib satışı ilə məşğul olmaları barədə məlumat daxil olub.
Keçirilmiş əməliyyat tədbirləri nəticəsində H.Yusifov və X.Yusifov Astara sərhəd gömrük keçid məntəqəsindən keçdikdən sonra Astara şəhəri Azərbaycan küçəsində saxlanılıb.
Faktla bağlı Astara RPŞ-nin İstintaq bölməsində Cinayət Məcəlləsinin müvafiq maddələri ilə cinayət işi başlanılıb, araşdırma aparılır.