“ARB 24” telekanalına yeni direktor təyin olundu

“Kanalın efir mərkəzinin və yayımının paytaxt Bakıya köçürülməsi ilə əlaqədar olaraq, yayım avadanlıqları üzərində texniki işlər aparılması zərurəti yarandığından “ARB 24”telekanalının Tovuz şəhərindəki yayımı müvəqqəti olaraq dayandırılıb”.

Bunu Aznews.az-a “ARB Media Qrup”un mətbuat xidmətinin rəhbəri Ozal İbrahimli deyib. Onun sözlərinə görə, “ARB 24” yaxın günlərdə Bakı şəhərində qurulan yeni yayım mərkəzindən efirə çıxacaq.

“Bu texniki yenilənmələrdən başqa kanalın yayımı və fəaliyyəti ilə bağlı heç bir problem yoxdur. Biz yenə də böyük tamaşaçı auditoriyamıza ən yüksək səviyyədə informasiya buraxılışlarını təqdim etməyə davam edəcəyik.
Kanalın icraçı direktoru Nadir Şəfiyevlə bağlı mətbuatda dərc olunan məulmatlarla bağlı isə onu bildirmək istəyirik ki, Nadir Şəfiyev öz xahişi ilə işdən çıxıb. Onun vəzifəsinin icrası isə “ARB 24” kanalının baş redaktoru Radik İsmayılova həvalə olunub”, - deyə o bildirib.

AzNews.az