22:09
(077) 610-22-33

Səməd Seyidovun kitabı 100 bestseller siyahısında

  • >
299 13 May 2013 11:30 | Cəmiyyət

Səməd Seyidovun kitabı dünyanın 100 bestselleri siyahısına düşdü



Azərbaycan Dillər Universitetinin (ADU) rektoru, Milli Məclisin deputatı, professor Səməd Seyidovun "Yaradıcılığın fenomenologiyası: tarix, paradokslar, şəxsiyyət"(Phenomenology of Creativity: "History", "Paradoxes", "Personality") kitabı dünyanın məşhur "amazon.com" saytında ən çox maraq göstərilən 100 ən yaxşı əsər siyahısına düşüb.


100 bestseller arasında ön yerlərdən birini tutan kitab dünya üzrə 100 ən yaxşı əsərin içərisində qərarlaşıb.


http://www.amazon.com/Phenomenology-Creativity-History-Paradoxes-Personality/dp/148178739X/ref=sr_1_1?s=books&ie=UTF8&qid=1368430754&sr=1-1&keywords=phenomenology+of+creativity)

Xatırladaq ki, "Yaradıcılığın fenomenologiyası: tarix, paradokslar, şəxsiyyət"(Phenomenology of Creativity: "History", "Paradoxes", "Personality") adlı kitab ABŞ-da və Böyük Britaniyada ingilis dilində nəşr olunmuşdu və məşhur amazon.com saytında yayımlanmışdı. Məşhur və nüfuzlu amazon.com saytında professor Səməd Seyidovun müəllifi olduğu kitabın yayımlanması bir azərbaycanlı alimin uğurudur.

Kitab ilk dəfə 2009-cu ildə rus dilində nəşr olunub. Kitabın rəyçiləri Rusiya Elmlər Akademiyasının müxbir üzvü, fəlsəfə elmləri doktoru, professor A. B. Dmitriyev və psixologiya elmləri doktoru, professor Q. İ. Yefremovadır. Xatırladaq ki, 2011-ci ildə kitab Azərbaycan dilində də nəşr olunub. Qeyd edək ki, professor Səməd Seyidov Gürcüstan Təhsil Elmləri Akademiyasının fəxri akademiki, Latviya Elmlər Akademiyasının Beynəlxalq Alimlər Şurasının və ABŞ Psixoloqlar Assosiasiyasının üzvüdür.

O, Azərbaycan və Fransa arasında humanitar və elmi əlaqələrin inkişafında töhfələrinə görə 2011-ci ildə Fransanın Fəxri Legion Ordeni ilə təltif edilib.

Professor S. Seyidov yerli və beynəlxalq nəşriyyatlarda çap edilmiş 100-dən çox elmi məqalələrin, dərsliklərin və monoqrafiyaların müəllifidir.
Bağla X