21:40
(077) 610-22-33

Azərbaycan gənclərinin Səudiyyə Ərəbistana səfərləri başlayır

  • >
359 31 May 2013 07:49 | Cəmiyyət

Azərbaycan və Səudiyyə Ərəbistanı arasında beynəlxalq gənclər mübadiləsi proqramı çərçivəsində, cari ilin 1 - 10 iyun tarixlərində Gənclər və İdman Nazirliyinin sağlam həyat tərzinin təbliği və sosial proqramlar sektorunun baş məsləhətçisi Fərid Qurbanzadənin rəhbərliyi altında Azərbaycanlı gənclərdən ibarət nümayəndə heyətinin Sədudiyyə Ərəbistanına səfəri başlayır.

Bu barədə Azərbaycan Tələbə Gənclər Təşkilatları İttifaqının (ATGTİ) Mətbuat xidmətindən məlumat verilib.

Bildirilib ki, nümayəndə heyətinin tərkibinə Azərbaycan Tələbə Gənclər Təşkilatları İttifaqının (ATGTİ) əməkdaşları, ATGTİ-yə daxil Tələbə Gənclər Təşkilatlarının (TGT-lər) sədrləri də daxildir.

Səfərləri çərçivəsində nümayəndələr Səudiyyə Ərəbistanının Ciddə və paytaxt Ər - Riyada şəhərlərinə baş çəkəcək, ölkənin müxtəlif mədəniyyət və dini - tarixi abidələri (Peyğəmbər məscidi, Parlament Binası) muzeyləri ilə tanış olacaqlar.

Bundan əlavə nümayəndələrimiz Səudiyyə Ərəbistanının bir sıra dövlət rəsmiləri, Ər - Riyad şəhərində yerləşən ali təhsil müəssisələrinin tələbə təşkilatları ilə görüşərək, iki ölkə gənclər siyasətini və bu istiqamətdə gələcək əməkdaşlıq prespektivlərini müzakirə edəcəklər.

AzNews.az
Bağla X