04:45
(077) 610-22-33

Ombudsman həbsdəki sabiq nazirlərdən danışdı

  • >
288 18 İyun 2013 14:28 | Cəmiyyət

"Eks-səhiyyə naziri Əli İnsanova və keçmiş iqtisadi inkişaf naziri Fərhad Əliyevə hər zaman baş çəkilir".

Bunu Azərbaycan Respublikası İnsan Hüquqları üzrə Müvəkkili Elmira Süleymanova deyib. O, bildirib ki, başqaları kimi Ə.İnsanov və F.Əliyevin də vəziyyəti öyrənilir, müraciətləri nəzərə alınır.

"Təbii ki, hamı kimi onlara da hər zaman baş çəkilir, hansısa müraciətləri nəzərə alınır. Onlara baş çəkən zaman saxlanma şəraitlərindən, onlarla rəftardan şikayətləri olmur".

Əli İnsanovun və Fərhad Əliyevin onlar haqqında çıxarılmış məhkəmə qərarlarına etirazlarına da münasibət bildirən Ombudsman məhkəmə qərarlarının icrasının vacib olduğunu bildirib.

"Onlar da məhkəmə qərarlarını müzakirəyə çıxarırlar. Məhkəmə qərarlarının icrası isə mütləqdir. Çünki məhkəmə qərarı dövlət tərəfindən çıxarılır. Buraya Ombudsmanın, bir başqasının müdaxilə edilməsi yolverilməzdir", – deyə Elmira Süleymanova qeyd edib.//modern.az//

AzNews.az
Bağla X