18:50
(077) 610-22-33

Prezident fransalı naziri qəbul etdi

  • >
728 26 Noyabr 2013 11:14 | Cəmiyyət


Azərbaycan Prezidenti İlham Əliyev Fransanın xarici ticarət naziri, ikitərəfli iqtisadi əməkdaşlıq komissiyasının həmsədrinin başçılıq etdiyi nümayəndə heyətini qəbul edib.

AzNews.az-ın AzərTAc-a istinadən verdiyi məlumata görə, prezident İlham Əliyev Fransanın xarici ticarət naziri, ikitərəfli iqtisadi əməkdaşlıq komissiyasının həmsədri xanım Nikol Brikin başçılıq etdiyi nümayəndə heyətini qəbul edib.

Azərbaycan ilə Fransa arasında iqtisadi əlaqələrin uğurla inkişaf etdiyini vurğulayan dövlət başçısı əməkdaşlığın nəticələrinin yüksək səviyyədə olduğunu deyib.

Prezident İlham Əliyev Fransa şirkətlərinin ölkəmizdəki fəaliyyətinin genişlənməsinin önəmini qeyd edib. İkitərəfli iqtisadi əməkdaşlıq komissiyasının iclasına toxunan dövlətimizin başçısı iclasda müzakirə olunacaq məsələlərin ölkələrimiz arasında iqtisadi əlaqələrin daha da genişləndirilməsi işinə xidmət edəcəyinə əminliyini bildirib.

Fransanın yeni hökumətinin ilk naziri kimi Azərbaycana səfər etdiyini vurğulayan xanım Nikol Brik strateji baxımdan xüsusi əhəmiyyətə malik olan Azərbaycanda Fransa şirkətlərinin fəaliyyətinin daha da genişləndirilməsində ölkəsinin maraqlı olduğunu deyib.

Görüşdə ölkələrimiz arasında iqtisadi əməkdaşlığın daha da genişləndirilməsi üçün böyük imkanların olduğu vurğulanıb, yeni sahələrin müəyyənləşdirilməsinin əhəmiyyəti qeyd olunub, əlaqələrimizin perspektivləri ilə bağlı məsələlər ətrafında fikir mübadiləsi aparılıb.

AzNews.az
Bağla X